विंचूरजवळील अपघातात जळगाव नेऊरच्या दोन युवकांचा दुर्दैवी मृत्यू

 

प्रतिनिधी / गणेश ठाकरे लासलगाव. 

 विंचूर ता.निफाड परिसरातील हनुमाननगर जवळ नाशिक - छत्रपती संभाजीनगर महामार्गावर अज्ञात वाहनाच्या धडकेत दोन युवकांचा दुर्दैवी मृत्यू झाला.नाशिक - छत्रपती संभाजीनगर महामार्गावर रविवार, दि.८ रोजी दुपारी ४ वाजेच्या सुमारास जळगाव नेऊर ता.येवला येथील तुषार विलास घुले (वय २८) व आकाश बाळुबा सोनवणे (वय २६) हे दोन जीवलग मित्र आपल्या दुचाकी एम.एच १७ आर.५३१८ वर विंचूर वरून जळगाव नेऊरला जात असताना अज्ञात वाहनाने त्यांना जबर धडक दिली. या दोघांनाही खाजगी रुग्णवाहिकेत लासलगाव येथील ग्रामीण रुग्णालयात दाखल केले असता

वैद्यकीय अधिकारी डॉ. स्वप्निल पाटील यांनी तपासणी करून सायंकाळी ५.३० वाजता दोघांनाही मयत घोषीत केले. याबाबत लासलगाव पोलीस ठाण्यात अज्ञात वाहन चालकाविरुद्ध गुन्हा दाखल करण्यात आला आहे. स.पो.नि दिपक पाटील यांचे मार्गदर्शनाखाली पोलिस उपनिरीक्षक किरण साळुंखे अधिक तपास करीत आहेत.

   दोन जिवलग मित्रांच्या निधनाने जळगाव नेऊर परिसरात हळहळ व्यक्त होत असून

रविवार दि.८ रोजी रात्री ८ वाजता शोकाकुल वातावरणात दोन्ही अंत्यसंस्कार करण्यात आले.