सरदार वल्लभभाई पटेल यांच्या जयंतीनिमित्त लासलगाव पोलीस ठाण्याच्यावतीने एकता दौड या विशेष उपक्रमाचे आयोजन

 प्रतिनिधी श्री.गणेश ठाकरे लासलगाव  

सरदार वल्लभभाई पटेल यांच्या जयंतीनिमित्त लासलगाव पोलीस ठाण्याच्यावतीने एकता दौड या विशेष उपक्रमाचे आयोजन करण्यात आले आहे. हा उपक्रम दि.३१ ऑक्टोबर रोजी सकाळी ६.३० वाजता पार पडणार असून, दौडीची सुरुवात लासलगाव पोलीस ठाण्यातून होऊन स्वामी रिसॉर्ट येथे सांगता होणार आहे.

      या पार्श्वभूमीवर आज दिनांक २९ ऑक्टोबर रोजी लासलगाव पोलीस ठाण्यात स.पो. नि. भास्करराव शिंदे यांचे अध्यक्षतेखाली नियोजन बैठक घेण्यात आली. बैठकीस डॉक्टर्स असोसिएशन, स्वीमिंग ग्रुप, सायकलिंग ग्रुप, पत्रकार, ग्रामपंचायत विभाग, कृषी उत्पन्न बाजार समिती, व्यापारी वर्ग तसेच विविध शासकीय संस्था, कार्यालयांचे अधिकारी - कर्मचारी आणि सामाजिक व धार्मिक मंडळांचे सदस्य उपस्थित होते.

     या वेळी स.पो.नि.भास्करराव शिंदे यांनी, राष्ट्रीय एकता आणि ऐक्याचा संदेश समाजात पोहोचवण्यासाठी अधिकाधिक नागरिकांनी या ‘एकता दौड’ उपक्रमात सहभागी व्हावे तसेच कार्यक्रमाच्या यशस्वीतेसाठी पोलीस विभागासोबत सर्व सामाजिक संस्था आणि नागरिकांनी सहकार्य करावे असे आवाहन केले.