हृदयस्पर्शी प्रेमकथा लेखन स्पर्धेत लेखक संभाजी सूर्यवंशी यांना 'विशेष सन्मानपत्र'

गडहिंग्लज, दि. ९ जुलै :

तेजोवलय आयोजित 'हृदयस्पर्शी प्रेमकथा लेखन स्पर्धा - २०२६' मध्ये साहित्यिक संभाजी सूर्यवंशी यांच्या कथेला 'विशेष सन्मानपत्र' प्रदान करून गौरविण्यात आले.

स्पर्धेत सादर केलेल्या त्यांच्या उल्लेखनीय कथेला वैशिष्ट्यपूर्ण कथाशैली, तरल लेखणी आणि भावनांच्या प्रभावी अभिव्यक्तीसाठी परीक्षकांनी विशेष दाद दिली. कथेतील वेगळेपणा, भावविश्वाची सुंदर गुंफण आणि वाचकांच्या मनाला स्पर्श करणारी मांडणी यामुळे ही कथा स्पर्धेतील लक्षात राहणारी आणि वैशिष्ट्यपूर्ण कलाकृती ठरल्याचे आयोजकांनी गौरवपत्रात नमूद केले आहे.

या उल्लेखनीय साहित्यिक यशाबद्दल तेजोवलय परिवारातर्फे संभाजी सूर्यवंशी यांचे अभिनंदन करण्यात आले असून, त्यांच्या पुढील साहित्यिक वाटचालीसाठी मनःपूर्वक शुभेच्छा देण्यात आल्या आहेत.

या सन्मानामुळे संभाजी सूर्यवंशी यांच्या साहित्यसेवेला नवी प्रेरणा मिळाली असून, त्यांच्या लेखनातून भविष्यातही दर्जेदार आणि वाचकांच्या मनाला भिडणारे साहित्य निर्माण होईल, असा विश्वास साहित्यप्रेमींनी व्यक्त केला आहे.