खरीप हंगाम नियोजन बैठकीत शेतकऱ्यांच्या हितासाठी ५०० कोटींचा फळबाग योजनेचा पथदर्शी प्रकल्प जाहीर.

खरीप हंगाम नियोजन बैठकीत शेतकऱ्यांच्या हितासाठी ५०० कोटींचा फळबाग योजनेचा पथदर्शी प्रकल्प जाहीर.शेतकऱ्यांच्या अडचणी, योजनांची अंमलबजावणी आणि निर्यातक्षम शेतीवर भर; आमदार माऊली कटके यांच्या नेतृत्वाखाली सशक्त प्रशासनिक बैठकशिरूर येथील तहसील कार्यालयात खरीप हंगाम 2025-26 च्या नियोजनासाठी पार पडलेल्या तालुकास्तरीय बैठकीत शेतकऱ्यांच्या अडचणी, योजनांची अंमलबजावणी आणि आगामी हंगामासाठी व्यापक आराखड्यावर सखोल चर्चा झाली.या बैठकीत आमदार ज्ञानेश्वर उर्फ माऊली कटके यांच्या अध्यक्षतेखाली ५०० कोटींच्या फळबाग योजनेचा पथदर्शी प्रकल्प जाहीर करण्यात आला. यावेळी त्यांनी कृषी प्रशासनाला “शेतकऱ्यांच्या दारापर्यंत योजना पोहोचवण्याचे” स्पष्ट आदेश दिले.

राजकीय व शासकीय प्रतिनिधींची संयुक्त उपस्थिती

या बैठकीत कृषी, महसूल आणि पंचायत राज विभागातील अधिकारी, शिवसेना (उद्धव बाळासाहेब ठाकरे), राष्ट्रवादी काँग्रेस आणि इतर पक्षांचे पदाधिकारी सहभागी झाले होते.उपस्थित अधिकारी सुवर्णा आदक (कटके) – शिरूर तालुका कृषी अधिकार एम. डी. साळी – हवेली तालुका कृषी अधिकारीमहेश डोके – गटविकास अधिकारी, शिरूरशिवाजी नागवे – गटविकास अधिकारी, हवेलीसुजाता खरमाटे – नायब तहसीलदारडॉ. गजानन नारकर, दिनेश अडसूळ – कृषी अधिकारी तसेच PDCC बँक, महावितरण, ग्रामविकास आणि कृषी विभागातील अधिकारीउपस्थित राजकीय पदाधिकारी अनिल पवार, रामभाऊ कदम (शिवसेना), शरद कालेवार, एजाज बागवान (राष्ट्रवादी काँग्रेस), आबासाहेब सरोदे, राजेंद्र जगदाळे, शामराव पवार, संतोष लंघे, रंजन झांबरे, हर्षद ओस्तावाल, दिनेश पडवळ इत्यादी.शेतकऱ्यांसाठी योजनांचा पाऊसआमदार कटके यांनी फळबाग योजना, निर्यातक्षम फळांचे उत्पादन, कांदा चाळीसाठी वाढवलेले अनुदान (प्रती टन ३५०० वरून ५००० रुपये), हमीभाव आणि विविध अनुदान योजनांची माहिती दिली.प्रशासन व शेतकऱ्यांमधील संवाद वाढवून योजनांचा लाभ प्रत्यक्षात पोहचवण्यावर त्यांनी भर दिला.

 तांत्रिक मार्गदर्शन आणि प्रोत्साहन कृषी अधिकारी सुवर्णा आदक यांनी बाजरी, कडधान्य, पीक उगवण क्षमता चाचणी, सेंद्रिय शेती व आधुनिक शेतीतंत्रावर माहिती दिली.महात्मा गांधी रोजगार योजनेतून आंबा व केळीची लागवड करून निर्यातीसाठी संधी उपलब्ध असल्याचेही त्यांनी सांगितले.योजनांचे लाभार्थी सन्मानित प्रधानमंत्री सूक्ष्म अन्न प्रक्रिया उद्योग योजनेअंतर्गत लाभार्थी सीमा बेंद्रे (आंबळे) व नंदाताई भुजबळ (शिक्रापूर) यांचा आमदार कटके यांच्या हस्ते सन्मान करण्यात आला.

शेतकऱ्यांचे प्रश्न आणि सूचना ऐकून घेतल्या

शेतकरी संघटनेचे नेते बाळासाहेब घाडगे यांनी हमीभावाची मागणी केली. गणेगावचे सरपंच तुकाराम निंबाळकर यांनी कांदाचाळीच्या अनुदान व लाभाबाबत सूचना मांडल्या. अनेक शेतकऱ्यांनी आपापल्या अडचणी अधिकाऱ्यांसमोर मांडल्या.उत्कृष्ट समन्वय व सशक्त आयोजनबैठकीचे सूत्रसंचालन कृषी सहायक जयवंत भगत यांनी केले. आभार प्रदर्शन डॉ. गजानन नारकर यांनी केले.भविष्यासाठी आशादायक पावलेया बैठकीतून खरीप हंगामासाठी सशक्त राजकीय इच्छाशक्ती आणि प्रशासनिक यंत्रणेचे उत्तम समन्वयाचे दर्शन घडले.

योजनांची प्रभावी अंमलबजावणी झाल्यास शेतकऱ्यांच्या जीवनात निश्चितच सकारात्मक बदल घडेल, असा विश्वास व्यक्त करण्यात आला.