*कळस, (इंदापूर)येथे २५ ऑक्टोबरला भव्य कार्यक्रम; डेअरी, व पशुपालन उद्योगासाठी मोठा मंच

दर्पण न्यूज इंदापूर तालुका प्रतिनिधी :- अंकुश भोसले 

कळस (ता. इंदापूर), जि. पुणे : राज्यातील डेअरी व्यवसाय, पशुपालन, कृषी यंत्रसामग्री आणि कृषी-उद्योग क्षेत्रातील व्यावसायिकांना एकत्र आणणाऱ्या मोठ्या उपक्रमाची घोषणा कळस येथे होणार आहे. प्रोग्रेसिव्ह ब्रीडर फार्मस असोसिएशन (PBFA) महाराष्ट्र राज्य व नेचर डिलाईट डेअरी यांच्या संयुक्त विद्यमाने आयोजित करण्यात येत असलेल्या ‘PBFA डेअरी अ‍ॅग्री एक्स्पो २०२६’ चे भव्य भूमिपुजन व फलक अनावरण सोहळा रविवार, दि. २५ ऑक्टोबर २०२६ रोजी दुपारी ११.०० वाजता नेचर डिलाईट डेअरीसमोर, कळस, ता. इंदापूर, जि. पुणे येथे होणार आहे. या प्रदर्शनाचा मुख्य कालावधी २५ ते २८ डिसेंबर २०२६ असा असणार आहे.

या कार्यक्रमाच्या शुभहस्ते म्हणून महाराष्ट्र राज्याचे कृषिमंत्री दत्तात्रय विठोबा भरणे उपस्थित राहणार आहेत. त्याचबरोबर बारामती लोकसभा मतदारसंघाच्या खासदार सुप्रिया सुळे, आष्टी-पाटोदा विधानसभा मतदारसंघाचे आमदार सुरेश धस, मंत्री हर्षवर्धन पाटील, माजी मंत्री संजय कुटे तसेच नेचर डिलाईट डेअरी व उद्योग समूहाचे अध्यक्ष अर्जुनराव देसाई यांची उपस्थिती या सोहळ्याला अधिक महत्त्व प्राप्त करून देणारी आहे.

*डेअरी व कृषी क्षेत्रातील मोठा उपक्रम*

महाराष्ट्रातील दुग्धोत्पादन, पशुसंवर्धन, कृषी यंत्रसामग्री, पशुखाद्य, पशुचिकित्सा औषधे, दुधाची यंत्रसामग्री, टी. एम. आर. निर्मिती, मुरघास उत्पादन आणि कृषी-उद्योग या विविध क्षेत्रांतील कंपन्या, तज्ज्ञ, शेतकरी व उद्योजक यांना एकाच व्यासपीठावर आणण्याचा उद्देश ‘PBFA डेअरी अ‍ॅग्री एक्स्पो २०२६’ मागे असल्याचे आयोजकांनी सांगितले आहे.

या प्रदर्शनात डेअरी इंडस्ट्रीज, फीड इंडस्ट्रीज, फीड सप्लिमेंट कंपन्या, व्हेटर्नरी फार्मा कंपन्या, ट्रॅक्टर कंपन्या, टी. एम. आर. कंपन्या, मुरघास निर्मिती कंपन्या, मिल्किंग मशीन कंपन्या, कृषी यंत्रसामग्री कंपन्या तसेच सिमेंट कंपन्यांना सहभागी होण्याची संधी असेल. यामुळे दुग्धोत्पादक शेतकऱ्यांना आधुनिक तंत्रज्ञान, उत्पादनवाढीसाठी उपयुक्त उत्पादने, पशुखाद्य व्यवस्थापन, दुधाची गुणवत्ता आणि व्यवसाय विस्तार यांची एकत्रित माहिती मिळणार आहे.

पशुपालन व डेअरी व्यवसाय हा केवळ दूध उत्पादनापुरता मर्यादित न राहता ग्रामीण अर्थव्यवस्थेचा महत्त्वाचा आधार बनला आहे. दूध उत्पादन, प्रजनन व्यवस्थापन, पशुखाद्याची गुणवत्ता, रोगप्रतिबंध, यंत्रसामग्रीचा वापर आणि बाजारपेठेशी संपर्क या सर्व बाबी एकत्रितपणे सुधारल्यास शेतकऱ्यांचे उत्पन्न वाढण्यास मदत होते. याच पार्श्वभूमीवर या प्रदर्शनाचे महत्त्व अधिक वाढले आहे.

*शुभहस्ते व प्रमुख उपस्थिती*

कार्यक्रमाच्या शुभहस्ते म्हणून कृषिमंत्री दत्तात्रय भरणे यांची उपस्थिती असणार आहे. यावेळी खासदार सुप्रिया सुळे, आमदार सुरेश धस, मंत्री हर्षवर्धन पाटील, माजी मंत्री संजय कुटे आणि माजी आमदार यशवंत (तात्या) माने यांची उपस्थिती असणार आहे.

नेचर डिलाईट डेअरी व उद्योग समूहाचे अध्यक्ष अर्जुनराव देसाई, अग्रीकल्चर डेव्हलपमेंट ट्रस्ट बारामतीचे अध्यक्ष राजेंद्र पवार, निराभिमा सहकारी साखर कारखान्याचे अध्यक्ष लालासाहेब पवार, पुणे जिल्हा परिषदेचे उपाध्यक्ष विवेक वळसे पाटील, पुणे जिल्हा सहकारी बँकेचे संचालक आप्पासाहेब जगदाळे, श्री छत्रपती सहकारी साखर कारखान्याचे अध्यक्ष अविनाश घोलप, सोनई उद्योग समूहाचे अध्यक्ष दशरथ माने, फडतरे उद्योग समूहाचे अध्यक्ष उत्तम फडतरे तसेच नेचर डिलाईट डेअरीचे संचालक केशव हेगडे यांचीही उपस्थिती या कार्यक्रमात असणार आहे.

याशिवाय माजी नगरसेवक प्रदीप गारटकर, माजी जिल्हा परिषद सदस्य प्रताप आबा पाटील, जिल्हा परिषद सदस्या निर्मला सागर मिसाळ, माजी उपाध्यक्ष कांतीलाल (आप्पा) जामदार, माजी सरपंच विजयराव मोहळकर, राजू भोसले व भरतराजे भोसले, अ‍ॅडव्हान्स ह्युंडाईचे मार्केटिंग हेड इंडिया डॉ. शैलेश मदने तसेच नेचर डिलाईट डेअरीचे डॉ. सचिन रूपनवर यांची उपस्थिती या सोहळ्यात असणार आहे.

*तज्ज्ञांचे मार्गदर्शन*

या प्रदर्शनाच्या निमित्ताने डेअरी व्यवसाय, पशुपालन, पशुपोषण आणि कृषी तंत्रज्ञान या विषयांवर अनुभवी तज्ज्ञांचे मार्गदर्शन देखील होणार आहे. यात निवृत्त अधिष्ठाता डॉ. नितीन मार्कंडेय, पतंजली फीड न्यूट्रिशन कन्सल्टंट दिनेश भोसले, न्यूट्रिशन कन्सल्टंट डॉ. पराग घोगळे व डॉ. सी. एन. पाटील, रिलायन्स जिओचे सेल्स हेड इंडिया डॉ. संतोष वाकचौरे, पुणे जिल्हा पशुसंवर्धन विभागाचे जिल्हा उपायुक्त डॉ. राजेशकुमार वासनिक, गोविंद डेअरी फलटणचे डॉ. शांताराम गायकवाड, जुन्नरचे पशुधन विकास अधिकारी डॉ. सचिन रहाणे आणि नागपूर पशुचिकित्सा महाविद्यालयाचे डॉ. अनिल मिकाने यांचा समावेश आहे.

तसेच आणंद, गुजरात येथील शिवछत्रपती डेअरी फार्मचे रविंद्र काशिनाथ नवले, कोल्हापूर येथील वाय. टी. पाटील डेअरी फार्मचे अरविंद पाटील, निघोज, पारनेर येथील श्रद्धा कार्यच्या श्रद्धाताई धवण ढोरमले आणि मराठवाडा अ‍ॅग्रो फार्मर प्रोड्यूसर कंपनी, कळंब, धाराशिवचे बाळासाहेब गिते यांचीही उपस्थिती असणार आहे. या मान्यवरांच्या मार्गदर्शनामुळे दुध उत्पादक शेतकऱ्यांना आधुनिक पशुव्यवस्थापन, चारा व पशुखाद्य नियोजन, दूध उत्पादनवाढ आणि व्यावसायिक डेअरी व्यवस्थापनाबाबत उपयुक्त माहिती मिळेल.

*PBFA महाराष्ट्राची भूमिका*

प्रोग्रेसिव्ह ब्रीडर फार्मस असोसिएशन (PBFA) महाराष्ट्र राज्याच्या वतीने हा उपक्रम राबवला जात असून, त्याचे अध्यक्ष संजय सालगुडे पाटील व अध्यक्ष निलेश दहे यांच्या नेतृत्वाखाली तयारी सुरू आहे. संघटनेचे जेष्ठ मार्गदर्शक जयंत ताकटे, गजानन शेवाळे व बाबासाहेब पवार तसेच उपाध्यक्ष हनुमान पेचे, प्रमोद भिलारे व हरीश येडे यांचीही कार्यक्रमाच्या आयोजनात मोठी भूमिका असणार आहे.

PBFA महाराष्ट्र राज्याचे खजिनदार वामन गायकवाड आणि सचिव रामनाथ विष्णु वदक यांच्यासह अशोक हाके व प्रविण जाधव यांची कार्यकारिणी सदस्य म्हणून नियुक्ती करण्यात आली आहे. याशिवाय जयराम खपके, महादेव घुगे, शशिकांत साखरे, गणेश अंत्रे, डॉ. राजू पांढरे, समीर रोकडे, धनंजय जाधव, कुंडलिक निकट, मनोज वाघ, तान्हाजी रेडेकर, योगेश चव्हाण, शुभम वाघ, राजकुमार दळवे, अक्षय अनपट, चंदन संभेराव, सचिन गवळी, केतन शिंदे, निळकंठ हाडोळीकर, हरीश चौधरी, डॉ. प्रशांत पाटील, गजानन बोऱ्हाळे, सचिन भिसे, अमोल खर्डे, रघुनाथ चव्हाण, प्रल्हाद राजपूत, प्रफुल्ल लोखंडे, धिरज मेने, साहील जगताप, रविराज परमाने, माणिक पांडे, आकाश मोटके, अशोक सिनारे, नवनाथ कोडीतकर, रोहन भाले, स्वप्नील टावरे, अभिनंदन पाटील, बाहुबली पाटील, महेश पाटील, सुहास पाटील, अभिजित टेकाळे, तानाजी गाढवे, किरण सोडनिसे, रविभाऊ हासे, अविरत पानसरे, आशुतोष भोसले, अमोल बालगुडे, प्रविण शिंदे, कृष्णा मांढरे, महावीर सावळे, सौरभ मासाळ, उमेश पुरी, योगेश शेळके, ज्ञानेश्वर भोसले, संतोष शेंडगे, अविनाश बोरकर व प्रशांत भोसले यांचाही समावेश कार्यकारिणीत झाला आहे.

*शेतकऱ्यांसाठी उपयुक्त व्यासपीठ*

या प्रदर्शनाच्या माध्यमातून दुध उत्पादक शेतकऱ्यांना आधुनिक डेअरी व्यवसायाशी संपर्क साधण्याची संधी मिळणार आहे. पशुखाद्य, औषधे, दुधाची यंत्रसामग्री, दूध संकलन व प्रक्रिया तंत्रज्ञान, चारा उत्पादन, कृषी यंत्रसामग्री आणि व्यवसाय विस्तारासंबंधी विविध कंपन्यांची माहिती एकाच ठिकाणी उपलब्ध होणार आहे.

डेअरी व्यवसायात गुणवत्तापूर्ण दूध उत्पादन, योग्य पशुखाद्य व्यवस्थापन, नियमित पशुआरोग्य तपासणी, प्रजनन व्यवस्थापन आणि आधुनिक यंत्रसामग्रीचा वापर यांचे महत्त्व वाढते आहे. त्यामुळे या प्रदर्शनात शेतकऱ्यांना केवळ उत्पादने पाहण्याचीच नव्हे तर तज्ज्ञांशी थेट संवाद साधून आपल्या शेती-पशुपालन व्यवसायातील अडचणींबाबत मार्गदर्शन घेण्याचीही संधी मिळणार आहे.

कृषी व पशुपालन क्षेत्रातील नवीन तंत्रज्ञान, उद्योगांशी संपर्क आणि व्यावसायिक संधी यांचा संगम या प्रदर्शनात होणार असल्याने इंदापूर तालुक्यासह परिसरातील शेतकऱ्यांमध्ये या उपक्रमाबाबत उत्सुकता आहे.

*आयोजकांचे आवाहन*

‘PBFA डेअरी अ‍ॅग्री एक्स्पो २०२६’ चे भूमिपुजन व फलक अनावरण सोहळ्यास डेअरी उद्योग, फीड उद्योग, पशुचिकित्सा औषध कंपन्या, ट्रॅक्टर कंपन्या, टी. एम. आर. कंपन्या, मुरघास निर्मिती कंपन्या, मिल्किंग मशीन कंपन्या, कृषी यंत्रसामग्री कंपन्या, सिमेंट कंपन्या, दूध उत्पादक शेतकरी तसेच PBFA महाराष्ट्र राज्याचे सर्व सदस्य व पदाधिकारी यांनी उपस्थित राहावे, असे आयोजकांनी आवाहन केले आहे.

या कार्यक्रमाचे आयोजन PBFA कोअर कमिटी व नेचर डिलाईट डेअरी यांच्या वतीने करण्यात येत आहे. अधिक माहितीसाठी डॉ. सचिन रूपनवर (मो. ८३०८५५५३९७), श्री. शितोळे (मो. ७४४७४०५००१), श्री. निलेश दहे (मो. ९०१११२०२०७) किंवा श्री. रामनाथ विष्णु वदक (मो. ९६५७६३१५५१) यांच्याशी संपर्क साधावा.